Sunday, February 24, 2008

மாரமணனும் மாயக்கூத்தனும்

சென்ற முறை டல்லஸ் சென்றபோது, "உன்னிக்கிருஷ்ணன் கச்சேரி உள்ளது போலாமா?" என்றான் வைத்யா. ஆஹா, அமெரிக்கா வந்து மண்டை காய்ந்து கொண்டிருக்கும் நமக்கு "கரும்பு தின்னக் கூலியா?" என்றெண்ணி, உடனே சரியென்றேன். டல்லஸ்ஸின் "இண்டியன் ஃபைன் ஆர்ட்ஸ் அகாடெமி", அந்த சனி மாலை, நம்மவர்களால்களை கட்டியிருந்தது. "உன்னோட 'ராக சிந்தாமணி' புத்தகத்தையும் கொண்டு வா. யாராவது ஆர்வம் காட்டக்கூடும்" என்றதால், புத்தகப் பிரதிகளையும் எடுத்துக் கொண்டு சென்றிருந்தேன்.

கச்சேரி ஆரம்பிக்க அரை மணிநேரம் இருந்ததால் யாரை மொக்கை போடுவது என்று யோசித்துக் கொண்டிருந்தோம். இப்படி யோசித்துக் கொண்டிருக்கும் போதே, ஒருவர் வந்தார். வந்தவர் நேராக் "என்னிடம், நீங்கள்தானே சிமுலேஷன்?" என்றார். "ஆஹா, நம்மை எப்படிக் கண்டுபிடிதார் இவர்?", என்று இன்ப அதிர்ச்சியில் இருந்த எனக்கு, பதில் சொல்ல ஒரு சில நிமிடங்கள் ஆனது. "ஆமாம், நான் தான் சிமுலேஷன். மன்னிக்கவும். உங்க்களைத் தெரியவில்லையே!" என்றேன்". தனது பெயர் "மாயா" என்ற மாயக்கூத்தன் கிருஷணன் என்று அறிமுகப்படுத்திக் கொண்டார். "அது சரி. எப்படி என்னைக் கண்டுபிடித்தீர்கள்' என்றதற்கு, "உங்கள் கையில் இருக்கும் புத்தகத்தின் அட்டையில் இருக்கும் போட்டோவை பலமுறை, உங்களது வலைப்பதிவில் பார்த்துளேன். அதனை வைத்தே கண்டுபிடித்தேன்" என்று மாயா சொன்னபோது, இவர்தான் அந்த 'அமெரிக்காவின் சி.ஐ.டி.சங்கரோ" என்று ஆச்சரியப்பட்டேன்.

பழகுவத்ற்கு இனிய மாயா, அவர்தம் நண்பர் கார்த்திக்கையும் அறிமுகப்படுத்தினார். இவர்கள்தாம் டல்லஸ்ஸின் "இணடியன் ஃபைன் ஆர்ட்ஸ் அகாடெமியினைத் திற்ம்பட நிர்வகித்து வரும் நிர்வாகிகளுள் சிலர்.



(மாயா மற்றும் கார்த்திக்குடன் சிமுலேஷன்)

(உன்னிக்கிருஷணன் மற்றும் வைத்யாவுடன்)

(மாயா மற்றும் உன்னிக்கிருஷ்ணனுடன்)



(களைகட்டிய கச்சேரி மேடை)


அன்றைய மாலை உன்னிக்கிருஷ்ணன் புண்ணியத்தால் அருமையாகக் கழிந்தது. அதிலும் குறிப்பாக, "மாரமணன் உமா ரமணன்" என்ற பாபநாசம் சிவன் அவர்களது ஹிந்தோள ராகப்பாடல் அனைவரையும் கவர்ந்தது என்றால் மிகையாகாது. இந்தப் பாடல் சிவனையும், திருமாலையும் ஒரே நேரத்தில் அழகுற வர்ணிக்கும் பாடல் என்பது சங்கீதம் தெரிந்த அனைவருக்கும் தெரிந்த ஒன்றே. பாடலின் வரிகளும் பொருளும் தெரியவேண்டுவோர் 'லலிதா ராமின்' இந்தக் கட்டுரையில் அவற்றைக் காணலாம்.




வீடியோ குவாலிட்டியினைப் பொறுத்தருள்க.

1 comments:

sury said...

ஹிந்தோளத்தில் பாடும் இந்தப் பாடல் வெகு காலமாக கேட்கவேண்டும் என நினைத்துக்கொண்டிருந்தேன். So very happy to have heard it and that too from Unnikrishnan Sir.
திருமாலையும் சிவனையும் ஒரே பாடலில் பாடும் இந்தப்பாடல் நான் 1987ல் முதல் தடவையாக சென்னையில் தான் ஏதோ ஒரு டிசம்பர் தமிழிசைக்கச்சேரியில் தான் கேட்டேன். அற்புதமான பாடல். உங்களுக்கு ஓர் உபரி தகவல். கர்னாடகா மாநிலத்தில் ஹரிஹர் எனும் க்ஷேத்திரத்தில் ஒரு கோவிலில் மூல விக்ரஹம் ஆன ஹரிஹர், ஒரு பக்கம் சிவனாகவும்,மறுபக்கம் திருமாலாகவும் கொண்டு, அவருக்கு ஒரு பக்கம் வில்வத்தினாலும், மற்ற பக்கம் துளசியினாலும் அர்ச்சனை செய்யப்படுகிறது. சென்னை சாலிக்கிராமத்த்டிலும் சங்கர நாராயணன் கோவிலில் இது போன்ற உபய விக்ரஹம் ஆராதிக்கப்படுகிறது.

சுப்பு ரத்தினம்.
தஞ்சை.
http://movieraghas.blogspot.com